ЕЗЗДР_438, Народна носија, 2019-05-29

ЕТНОГРАФСКА ЗБИРКА НА ЗЛАТЕ ДАВИТКОВСКИ во Манастирот Св. Јован Опсечен, село Режановце, Кумановско

Етнографската Збирка на Злате Давитковски е една од поголемите збирки на народни носии и други изработки од текстил. Исто така, оваа Збирка содржи доста вредни предмети од дрво, керамика и метал што ги осликуваат карактеристиките на традиционалната култура на пределите во североисточна Македонија.

Согласно Националната класификација на културното наследство, Збирката ги содржи следниве категории добра:

2.2.212 Збирки на етнолошки предмети 2.2.212.1 Збирка на етнолошки предмети од општ тип

Содржина: 2.2.7 Народна носија 2.2.6 Традиционална текстилна покуќнина 2.2.3 Традиционални дрвени покуќнински предмети, алатки за преработка на текстилни влакна 2.2.5 Традиционални керамички, порцелански и стаклени садови и предмети 2.2.4 Традиционални метални покуќнински предмети 2.2. Народно стопанство 2.2.9 Музички инструменти и предмети во народните обичаи 2.2.11 Занаетчиски алати 3.1.4.2 Народна вокална музика 3.1.4.3 Народна инструментална музика

Datirawe:

Во смисла на хронолошко утврдување на потеклото и староста на предметите, прелиминарно може да се каже дека некои предмети, според нивните стилски карактеристики, начинот и материјалите на изработка, потекнуваат од крајот на 19 век и затоа сметаме дека се многу значајни за Збирката и пошироко за македонската јавност. Поголемиот дел од предметите, пак, потекнуваат од почетокот на 20 век и, се разбира, заради специфичностите на материјалот имаат големо значење за збирката. Во Збирката има и многу материјали од современ датум.



Етнографската збирка во село Режановце, Кумановско се состои, од: - традиционални народни носии од Македонија - традиционални народни носии други делови на Балканот - традиционални покуќнински предмети од текстил, - традиционални покуќнински предмети од дрво, - традиционални покуќнински предмети од керамика, - традиционални покуќнински предмети од метал - предмети што се употребуваат во нардното стопанство - музички инструменти - занаетчиски алатки.

Во Збирката постојат и снимени аудио материјали со традиционална народна вокална и инструментална музика.

Предметите во Збирката, според својата регионална припадност и културни карактеристики, главно, потекнуваат од пределите на Горновардарската и Шопско-македонската или Брегалничко-шопско македонска етнографска целина. Сепак, во материјалите може да се забележат одреден број предмети чијашто припадност е од Брсјачката и Дебарско-реканската или Дебарско-мијачката етнографска целина. Исто така, забележителни се носии од граничните етнички зони помеѓу Македонија и Србија и Македонија и Бугарија. Во Збирката постојат и носии од Јужно-македонската етнографска целина, како и носии на други етнички заедници кои живееле и/или живеат во Македонија, но и во други делови од Балканот. Останатите предмети од народната култура, во Збирката, потекнуваат од етничките предели кои гравитираат кон Манастирот Св. Јован Опсечен, главно од Горновардарската и Шопско-македонска или Брегалничка-шопско македонска етнографска целина.