МАН_Здравев_AK-14_AE-316, 2022-10-23

Разни покани, молби од здружението на фолклористите, музичарите на СФРЈ/СРМ, исечок од весник во врска со народниот вез, план за работа на Институтот за фолклор - 1972 и одделот за текстилна народна орнаментика 1970-1973, извештаи од теренски истражувања.

Во Архивот на Институт за етнологија и антропологија (ИЕА) при Природно -математичкиот факултет, Скопје, Збирката на професорот Ѓорѓи Здравев се состои од исклучително значајни материјали создадени, во текот на неговата истражувачка и наставна дејност, до 2007 година. Дигитализираната збирка се состои од : пишани текстови (објавени и необјавени), фотографии, теренски материјали и теренски белешки, етнографски карти и мапи, и друг вид материјали од областа на етнологијата и антропологијата, поврзани со народната носија, украсувањето и народната естетика, што се од исклучително значење за ИЕА, професорите и студентите, за музејските работници, етнолозите и антрополозите истражувачи, истражувачи од сродни истражувачки области и други стручни лица и поединци што покажале голем интерес за ова значајно етнолошко и антрополошко културно наследство. Проектот „Дигитализација на Збирката на професорот Ѓорѓи Здравев (1941-2007)“ финансиски помогнат од Министерството за култура на Република Северна Македонија со годишната програмата за поддршка на проекти од национален интерес за 2022 година. Во рамките на овој проект, материјалите од неговата збирка, што некогаш биле сопственост на професорот Ѓорѓи Здравев, а сега се дел од Архивот на Институтот за етнологија и антропологија при ПМФ, УКИМ – Скопје, се дигитализирани и во соодветна дигитализирана форма се промовирани на пошироката стручна јавност на страницата на ИЕА. На тој начин, на стручните работници им е олеснет пристапот и користењето на овие важни стручни етнолошки, фолклорни и антрополошки материјали. Тие може лесно да се пребаруваат и лесно да се стигне до теренски материјали и белешки, фотографии, ракописи пишувани на машина и на рака, помошни средства: мапи, етнографски карти и друг вид етнолошки истражувачки материјали.